Menu
Menu
PARIS, 19 korrik /ATSH-AFP/ – Më shumë makina elektrike se sa me karburant u shitën në qershor në Bashkimin Evropian, sipas shifrave nga Shoqata e Prodhuesve Evropianë (ACEA), ku e para kryeson ”Tesla” dhe pastaj ”Volkswagen”.
Kontinenti i Vjetër dëshiron të ndalojë makinat termike pas 12 vitesh.
Makinat me benzinë dhe ato hibride mbeten në krye të shitjeve, por me 158 000 automjete të shitura, makinat elektrike janë rritur nga 10,7 në 15,1% të tregut në një vit.
Ato ”shpërthyen” dukshëm në Holandë, Gjermani, Francë dhe Belgjikë.
Kjo rritje është nxitur veçanërisht nga ”Tesla”, e cila ka ulur çmimet e saj, pasi një në pesë automjete elektrike të shitura në Evropë në gjysmën e parë 2023 mban simbolin ”T”, thënë ndryshe 137 000 makina.
”Volkswagen” gjithashtu pa shitjet e tij të automjeteve elektrike të rriteshin në 217 000 njësi, +68%), të nxitura veçanërisht nga SUV-të e tij tip ID.4, ID.5 ose Audi Q4.
Makinat me naftë vazhdon të bien, të dënuara nga penalitetet e blerjes dhe rritja e kostove të karburantit, të cilat pasuan skandalin e emetimeve të manipuluara (“Dieselgate”).
Në pranverë, Bashkimi Evropian ratifikoi kalimin e tij në një treg 100% pa emetim të gazrave serrë në vitin 2035 për të arritur objektivat e tij klimatike.
Makinat hibride, të cilat ndotin pak më pak dhe ju lejojnë të përfitoni nga bonuset e blerjes, gjithashtu kanë bërë përparim të fortë dhe përfaqësojnë 24,3% të tregut, të drejtuara nga Gjermania, Franca dhe Italia.
Më vete, shitjet e hibridëve të rikarikueshëm (të cilët mund të futen në prizë ose terminal) janë ulur gjatë një viti me anulimin e subvencioneve për blerje në vende të caktuara dhe përfaqësojnë 7,9% të tregut.
Megjithatë, benzina mbetet energjia kryesore në BE me 36,3% të shitjeve në qershor, me rritje 11%.
Më gjerësisht, shitjet e makinave të reja u rikuperuan në Evropë në gjysmën e parë, me një rritje prej 17,9% gjatë një viti.
Me 5,4 milionë makina të shitura, megjithatë, tregu mbetet 21% më i ulët se në gjysmën e parë të 2019-ës, viti i fundit i të gjitha rekordeve para Covid-19.
– ”Volkswagen” në gjendje të mirë –
Ndër tregjet kryesore, Spanja (+24%) dhe Italia (+22,8%) panë rritje të forta në fillim të vitit 2023.
Franca u rikuperua me 15,3% dhe Gjermania me 12,8%.
“Progresi i muajve të fundit tregon se industria evropiane e automobilave po rimëkëmbet nga problemet logjistike të shkaktuara nga pandemia”, nënvizon ACEA në një njoftim për shtyp.
Tregu evropian i automobilave ka filluar të rritet përsëri në mënyrë të qëndrueshme që nga gushti 2022, kur kriza Covid-19, e kombinuar me mungesën e pjesëve, duke përfshirë komponentë thelbësorë elektronikë, i kishte dhënë një goditje të rëndë.
Që nga fillimi i vitit, ”Volkswagen” ka konsoliduar kryesisht pozicionin e tij si shitësi më i madh i makinave në Evropë, duke sunduar mbi 26,1% të tregut (+1,3 pikë në një vit) me më shumë se 1,4 milionë makina të shitura, ndihmuar nga dinamizmi i markës së tij kryesore, ”Audi”, ”Skoda” çeke apo ”Cupra” sportive spanjolle.
”Hyundai-Kia” dhe ”Toyota” panë përparimin e tyre të ngadalësuar në 8,4% dhe 6,8% të tregut./ a.jor.
Burimi: ATA
www.targaime.com Siguracione online
Sigurimi i makines online, llogaritja e siguracionet e makinave, kartoni jeshil cmimi, sa kushton kartoni jeshil 2023, kartoni jeshil per maqedoni, siguracioni i makinave cmimi, siguracion, makine cmimi 2023, siguracion makine online, siguracion makine per greqi, siguracion makine ne shqiperi, siguracion makine ne shqiperi taksa online, siguracioni i motorrit, sa kushton siguracioni i makinave 2023, ligji i ri per siguracionet e makinave, kontrollo siguracionet e makines, polica e sigurimit online, llogaritja e siguracionit te makines online.Ja kush jane kompanite e sigurimeve qe Shesin siguracione online: Sigal Uniqa Group Austria, Intersig Vienna Insurance Group, Sigma Interalbanian Vienna Insurance Group, Albsig, Atlantik, Ansig, Eurosig. Lista e plote e kompanive te sigurimeve qe operojne ne tregun Shqiptar: Insig, Sigal Uniqa Group Austria, Sigma Interalbanian Vienna Insurance Group, Atlantik, Intersig Vienna Insurance Group, Eurosig, Albsig, Ansig. Sigal Live Uniqa Group Austria, Sicred, Insig Jete, Albsig jete
